عن المشروع


التراث والتاريخ مش مجرد اسماء فترات تاريخية مش مجرد مباني وبيوت وجوامع وكنايس ومعابد. التراث حضارة شعب عاش وتفاعل، أثر وتأثر ببيئته. اكتشف واخترع عشان يواجه كل التحديات ويخلق طابع وخصوصية من خلال كل ده قدر يبني حضارة، حضارة المصري من سالف العصر ممتده حتى وقتنا ده شريط زمني بيجمعنا على ارض واحدة ارض مصر. زي ما بنقول من فات قديمه تاه .. اول مشوارنا اننا بناخد لحظات من حياة المصريين نحكي عن كل جوانبها: التخطيط العمراني شكل المناطق والبيوت من بره وتقسيمتها وفرشها، نحكي بنوا ازاي وليه نحكي عن وسائل مواصلتهم وعن مواد البناء من فين وازاي نحكي عن صناعات وحرف ومهاره ورؤية ونحكي عن الطب وعن الاسواق. تفاصيل حياة كانت ازاي ونربطها بالنهار ده وصلت لايه. واحنا بنفك الغاز عن الماضي هنفكر ازاي نحافظ ونطور المستقبل هنزود انتماءنا وانتماء ولادنا لمصر وتراث مصر الفكرة ببساطة رايحين نخلق حالة تخلينا ندور كل واحد فينا مكانه فين على شريط الزمن وبيحلم بايه.

أهم الاحداث